Rothair leictreacha

Is rothar leictreach le cúnamh troitheáin é rothar leictreach. Ciallaíonn le cúnamh troithéain go stopann an mótar leictreach ag soláthar cumhachta nuair a stopann tú ag pedaláil.

Caitear mar a chéile le rothar leictreach agus le gnáthrothair faoi dhlí na hÉireann. Ní gá ceadúnas a bheith agat chun ceann a úsáid ar an mbothair agus ní gá do rothar leictreach a bheith cláraithe, faoi cháin nó faoi árachas.

Cé nach bhfuil sé mídhleathach do leanaí rothair leictreacha a thiomána in áiteanna poiblí, ba cheart go ndéanfaí maoirseacht ar leanaí óga i gcónaí.

Ceanglais theicniúla

Caithfidh na ceanglais seo a leanas a bheith ag rothair leictreacha a úsáidtear ar bhóthar poiblí:

• Aschur cumhachta uasta de 250 vata nó níos lú
• Mótar a chasann as nuair a stopann tú ag pedaláil
• Luas uasta de 25km in aghaidh na huaire
• Soilse tosaigh agus cúil (curtha ar siúl le linn uaireanta soilsithe agus dorchadas)

Rangaítear rothair lastais a chomhlíonann na riachtanais chruinne seo mar rothair leictreacha freisin.

Déantar rothar leictreach nach gcomhlíonann na caighdeáin theicniúla seo a chatagóiriú mar mhóipéid leictreach.

Is féidir leat tuilleadh faisnéise a léamh faoi mhóipéidí leictreacha agus an dlí.

Lena chois sin, is féidir leat tábla a fheiceáil le sainmhínithe teicniúla agus ceanglais maidir le scútair leictreacha, rothair leictreacha agus móipéidí leictreacha (PDF).

Is féidir rothair leictreacha a úsáid go dleathach ar bhóithre na hÉireann ón 20 Bealtaine 2024 faoin Acht um Thrácht ar Bhóithre agus Bóithre, 2023.

Áit ar féidir leat rothair leictreacha a úsáid

• Is féidir rothair leictreacha a úsáid ar bhóithre áitiúla, réigiúnacha agus náisiúnta. Ní féidir iad a úsáid ar mhótarbhealaí.
• Ní féidir rothair leictreacha a úsáid ar chosáin ná i limistéir choisithe.
• Is féidir leat iad a úsáid ar lánaí rothar agus bus.
• Ní mór duit tiomáint ar thaobh na láimhe clé, lena n-áirítear i lánaí rothar agus bus.
• Ceadaítear rothair leictreacha ar iompar poiblí.

Rialacha an bhóthair

• Cloígh le rialacha an bhóthair, go háirithe maidir le soilse tráchta, trasrianta coisithe agus trasrianta séabra.
• Clóigh le gach comhartha tráchta ar an mbealach céanna a bhaineann siad le rothaithe.
• Níl cead agat d'fhón a shealbhú ná a úsáid agus tú ag rothaíocht ar rothair leictreacha.
• Lean na comharthaí a thugann Garda nó maor scoile.

Léigh tuilleadh faisnéise faoi na dlíthe maidir le rothaíocht in Éirinn.

Ní gá duit na nithe seo a leanas a bheith agat:

• Pláta clárúcháin feithicle
• Mótarcháin
• Ceadúnas tiomána
• Árachas éigeantach

Má sháraíonn tú rialacha an bhóthair, féadfaidh tú fíneáil idir €40 agus €80 a fháil.

Níl cead agat do rothar leictreach a rothaíocht faoi thionchar alcóil nó drugaí. Is féidir láithreas cúirte agus fíneáil chomh mór le €2,000 a ghearradh as rothaíocht faoi thionchar.

Tá sé tábhachtach aire a thabhairt do do shábháilteacht agus do shábháilteacht daoine eile ar an mbóthar. Lean na leideanna sábháilteachta seo agus tú ag rothaíocht do rothar leictreach:

• Tabhair aird ar na coinníollacha aimsire.
• Bí le feiceáil; caith éadaí frithchaiteacha (sofheicthe) agus fearas cosanta pearsanta.
• Ba chóir duit clogad a chaitheamh, cé nach bhfuil sé seo riachtanach de réir an dlí.
• Ná húsáid cluasáin.
• Bí aireach ar dhaoine eile ar an mbóthar.

Ná ceannaigh ach rothar leictreach ó mhiondíoltóir nó dáileoir creidiúnach. Is féidir leat an Scéim um Rothaíocht chun na hOibre a úsáid chun cabhrú leat íoc as rothar leictreach nua.

Seiceáil go bhfuil marc CE ar an rothar leictreach. Ba cheart go mbeadh sonraí an mhonaróra, dáta monaraíochta agus sraithuimhir ar a phláta CE.

Ba cheart don mhiondíoltóir dearbhú comhréireachta a thabhairt duit nuair a cheannaíonn tú é.

Chun tuilleadh faisnéise a fháil, féach ar na súiomhanna gréasáin An tÚdarás um Shábháilteacht ar Bhóithre agus An Roinn Iompair.

Féach ar ár leathanaigh faoi scútair leictreachaagus móipéidí leictreacha.