Uathchlárú

Is scéim nua coigiltis pinsin é uathchlárú d'fhostaithe áirithe nach bhfuil ag íoc isteach i bpinsean. Cuirfear san áireamh iad go huathoibríoch sa scéim ach is féidir leo dílúltaigh tar éis 6 mhí.

Táthar ag súil go dtabharfar uathchlárú isteach in 2025. Déanfar an leathanach seo a nuashonrú de réir mar a bheidh tuilleadh sonraí ar fáil.

Faoin scéim, íocann an fostaí, an fostóir agus an Rialtas méid áirithe isteach i gciste pinsin an fhostaí.

Bunófar comhlacht poiblí nua, an tÚdarás Náisiúnta um Choigilteas Scoir um Chlárú Uathoibríoch, chun an scéim uathchláraithe a riaradh. Déanfaidh an tÚdarás Pinsean maoirseacht ar an scéim.

Tá na rialacha maidir le clárú uathoibríoch leagtha amach san Acht um Chóras Coigiltis Scoir um Chlárú Uathoibríoch, 2024.

Clárófar thú go huathoibríoch sa scéim nua pinsin más fostaí thú agus má chomhlíonann tú na critéir seo a leanas:

• Idir 23 agus 60 bliain d'aois
• Níl tú mar chuid de phlean pinsin faoi láthair
• Tuilleann tú €20,000 nó níos mó in aghaidh na bliana

Má chuir tú le pinsean roimhe seo ach mura gcomhlíonann tú na coinníollacha eile níos mó, clárófar thú go huathoibríoch.

Má thuilleann tú níos lú ná €20,000 in aghaidh na bliana, nó mura bhfuil tú idir 23 agus 60 bliain d'aois, is féidir leat rogha a dhéanamh dul isteach sa scéim pinsin mura bhfuil tú mar chuid de phlean pinsin cheana féin.

An gcaithfidh m'fhostóir páirt a ghlacadh ann?

Mura gcomhlíonann d'fhostóir a ndualgais uathchláraithe, beidh siad faoi réir pionóis agus b'fhéidir ionchúiseamh. Mura ndéanann siad ranníocaíochtaí ar do shon, d'fhéadfaí fíneáil a ghearradh orthu agus go mbeidh orthu aisíocaíochtaí a dhéanamh le hús.

Níl aon phleananna ann, áfach, iachall a chur ar fhostóirí ranníocaíocht a dhéanamh le pinsin phearsanta.

Cad a tharlóidh má tá pinsean san ionad oibre agam cheana féin? 

Ní chlárófar thú sa scéim nua uathchláraithe má tá tú ag íoc isteach i bplean pinsin san ionad oibre. Is féidir leat tuilleadh a léamh faoi phinsin cheirde ar ár suíomh gréasáin.

Cad a tharlóidh má athraím poist tar éis dom a bheith cláraithe?

Má athraíonn tú poist tar éis duit a bheith cláraithe go huathoibríoch, ní bheidh ort do phinsean a athrú ná páirt a ghlacadh i scéim nua. Bogfaidh do phinsean leat agus tú ag fanacht mar chuid den scéim uathchláraithe. Ní bheidh ort aon rud a dhéanamh, ós rud é go dtabharfaidh an tÚdarás Náisiúnta um Choigiltis Scoir um Chlárú Uathoibríoch aire don athrú.

An bhfuil uathchlárú níos fearr ná mo phinsean pearsanta?

Braitheann cibé an bhfuil clárú uathoibríoch nó do phinsean pearsanta níos fearr duit ar do chás agus do chúinsí.

Ba cheart duit athbhreithniú a dhéanamh ar do phinsean pearsanta agus é a chur i gcomparáid leis na buntáistí a bhaineann le clárú uathoibríoch chun a fháil amach cad a oibríonn is fearr duit.

Chun treoir a fháil maidir leis an gcaoi a n-oibríonn pinsin, is féidir leat cuairt a thabhairt ar Ionad um Fhaisnéis do Shaoránaigh, nó glaoch a chur ar an tSeirbhís Ghutháin um Fhaisnéis do Shaoránaigh ar 0818 07 4000.

Tar éis duit a bheith cláraithe, caithfidh tú fanacht sa scéim pinsin ar feadh 6 mhí ar a laghad. Má diúltaíonn tú 6 mhí tar éis duit a bheith cláraithe, aisíocfar do ranníocaíochtaí.

Ag diúltaigh tar éis athrú ar rátaí ranníocaíochta

Má roghnaíonn tú an scéim a fhágáil i mí 7 nó 8 tar éis athrú ar rátaí ranníocaíochta, gheobhaidh tú aisíocaíocht.

Beidh an aisíocaíocht seo bunaithe ar an difríocht idir do ranníocaíochtaí féin ag na seanrátaí agus na rátaí nua le linn na 6 mhí roimhe sin.

Níl an rogha seo ar fáil ach le linn na chéad 10 mbliana den scéim uathchláraithe, de réir mar a mhéadaíonn rátaí ranníocaíochta de réir a chéile (féach 'Cé mhéad a íocfaidh mé?' thíos). Beidh 3 athrú ar an ráta ranníocaíochta.

Do ranníocaíochtaí a chur ar fionraí

Is féidir leat do ranníocaíochtaí a chur ar fionraí ag am ar bith. Sa chás seo, ní bhfaighidh tú aisíocaíocht.

Cad a tharlaíonn do mo choigilteas má dhiúltaím?

Fanann ranníocaíochtaí nach n-aisíoctar, lena n-áirítear iad siúd a dhéanann d'fhostóir agus an Rialtas, i do phota coigiltis agus leanfar de bheith infheistithe.

Má stopann tú ag obair nó má bhogann tú thar lear ag am ar bith roimh scor, fanfaidh tú cláraithe, ach ní dhéanfaidh tú ranníocaíochtaí breise. Leanfar de do choigilteas reatha a infheistiú.

Ciallaíonn sé seo gur féidir leat rochtain a fháil fós ar phota pinsin ag am scoir.

Athchlárú go huathoibríoch tar éis 2 bhliain

Má fhágann tú an plean nó má chuireann tú do ranníocaíochtaí ar fionraí, déanfar tú a athchlárú go huathoibríoch tar éis 2 bhliain má tá tú fós incháilithe don scéim. Má tá plean pinsin eile agat, áfach, ní athchlárófar thú.

Is féidir leat teacht ar ais ar an bplean ag am ar bith roimh an pas 2 bhliain.

Beidh an tsuim a íocann tú ina ráta socraithe de do thuarastal bliantúil. Déanfaidh d'fhostóir do ranníocaíochtaí a mheaitseáil, agus cuirfidh an Rialtas suim bhreise leis. Ní fhéadtar níos mó nó níos lú ná an ráta socraithe a íoc.

Íocfaidh tú féin agus d'fhostóir 1.5% de do thuarastal bliantúil sa chéad bhliain. Ardóidh sé sin go 6% roimh bhliain 10.

Leagtar amach sa tábla thíos na rátaí a íocfaidh tú féin, d'fhostóir agus an Rialtas:

Sampla

Áirítear sa tábla thíos sampla d'oibrí a thuilleann €20,000 sa bhliain:

Cad é an ranníocaíocht uasta?

In aghaidh gach €3 a chuireann tú le do chiste pinsin, cuirfidh d'fhostóir €3 isteach, agus cuirfidh an Rialtas €1 isteach. Ciallaíonn sé seo go gcuirfear €7 le do chuntas in aghaidh gach €3 a chuireann tú leis.

Tá uasteorainn €80,000 ar ranníocaíochtaí fostóra agus an Rialtais araon.

Ciallaíonn sé seo don chéad 3 bliana, is é an t-uasmhéid is féidir le fostóir ranníocaíocht a dhéanamh ná €1,200 sa bhliain. Tá sé seo amhlaidh toisc gur €1,200 atá i gceist le 1.5% de €80,000. Is é an t-uasmhéid is féidir leis an Rialtas a íoc ná €400 sa bhliain, is é sin 0.5% de €80,000.

Má thuilleann tú os cionn €80,000, is féidir leat ranníocaíocht a dhéanamh fós ach ní bheidh d'fhostóir ná an Rialtas ag teacht le do ranníocaíochtaí ar aon ioncam os cionn €80,000.

Is féidir leat féachaint ar fhíseán na Roinne Coimirce Sóisialaí maidir le clárú uathoibríoch agus cuairt a thabhairt ar an mol faisnéise uathchláraithe.

Is féidir leat ceisteanna coitianta faoi uathchlárú a léamh freisin.

Nó, seol ríomhphost chuig autoenrolment@welfare.ie le haghaidh tuilleadh sonraí.