Deserted Wife’s Benefit

Dhá íocaíocht leasa shóisialaigh iad Sochar Banchéile Thréigthe agus Liúntas Banchéile Thréigthe a dhéantar le mná ar thréig a fear céile iad. Dúnadh an dá cheann de na híocaíochtaí seo d’iarratais nua in Eanáir 1997, nuair a tugadh an Íocaíocht Teaghlaigh Aontuismitheora isteach.

Leanann roinnt ban le Sochar Banchéile Thréigthe a fháil mar gheall gur cháiligh siad don íocaíocht roimh an 2 Eanáir 1997 agus gur lean siad leis na critéir cháilitheacha a shásamh.

Íocaíocht atá i gceist le Sochar Banchéile Thréigthe a dhéantar le bean ar thréig a fear céile í. Bunaítear teidlíocht ar ranníocaíochtaí árachais shóisialaigh a d’íoc an bhean nó a fear céile.

Dúnadh an Sochar Liúntas d’iarratasóirí nua in Eanáir 1997. Lean roinnt ban le Sochar Banchéile Thréigthe a fháil mar Liúntas mar gheall gur cháiligh siad don íocaíocht roimh an 2 Eanáir 1997 agus gur lean siad leis na critéir cháilitheacha a shásamh, arb iad siúd:

• Caithfidh nach dtuilleann tú breis agus €20,000 sa bhliain (ní bhaineann seo ach le héilimh ar Shochar Banchéile Thréigthe a rinneadh an 31 Lúnasa 1992 nó ina dhiaidh sin)
• Caithfidh nach bhfuil tú ag comhchónaí le haon duine
• Níor thosaigh tú ag cónaí le d’fhear céile

Is féidir leat eolas breise a fháil faoi na rialacha chun do Liúntas Banchéile Thréigthe a choimeád.

Má d’aistrigh tú ó Shochar Banchéile Thréigthe go hÍocaíocht Teaghlach Aontuismitheora chun go nglactar leat mar rannpháirtí ar Scéim Fostaíochta Pobail, féadfaidh tú iarratas a dhéanamh go ndéanfar do theidlíocht do Shochar Banchéile Thréigthe a athbhunú. Is airde an ráta uasta seachtainiúil íocaíochta do Shochar Banchéile Thréigthe ná an ráta seachtainiúil uasta d’Íocaíocht Teaghlach Aontuismitheora. Má cháilíonn tú go ndéantar do theidlíocht do Shochar Banchéile Thréigthe a athbhunú, b’fhéidir go mbeidh riaráistí le híoc leat, chomh maith.

Is féidir le mná a bhfuil Sochar Banchéile Thréigthe á fháil acu iarratas a dhéanamh ar Phinsean Stáit (Ranníocach) agus aistriú chuige sin nuair a bhaineann siad 66 bliain d’aois amach.

Má tá ráta laghdaithe de Shochar Banchéile Thréigthe á fháil agat faoi láthair, ach má bhí tú ag oibriú, b’fhéidir go gcáileoidh tú do ráta níos airde de Phinsean Stáit (Ranníocach), bunaithe ar do ranníocaíochtaí ÁSPC féin, nuair a bhaineann tú 66 bliain d’aois amach. Mura gcáilíonn tú don Phinsean Stáit (Ranníocach), áfach, nuair a bhaineann tú 66 bliain d’aois amach, gheobhaidh tú ráta níos airde de Shochar Banchéile Thréigthe go huathoibríoch (féach ‘Rátaí’ thíos).

Is féidir leat méadú ar d’íocaíocht do chleithiúnaithe linbh agus sochair bhreise cosúil le Liúntas do Mhaireachtáil Aonair agus Liúntas Breosla a fháil freisin.

Rátaí laghdaithe de Shochar Banchéile Thréigthe:

Tá iarratas nua ar bith ar Shochar Banchéile Thréigthe a fuarthas an 31 Lúnasa 1992 nó ina dhiaidh sin faoi réir teorainn tuillimh agus caithfidh sé coinníoll na ranníocaíochta ÁSPC a shásamh. Gheobhaidh tú ceann de na rátaí de Shochar Banchéile Thréigthe sa tábla thuas má tá d’ioncam bliantúil níos lú ná €20,000. Níl tú i dteideal Sochar Banchéile Thréigthe a fháil má tá do thuilleamh os cionn €20,000.

Is tábhachtach a thabhairt faoi deara, ní bhaineann ráta laghdaithe de Shochar Banchéile Thréigthe bunaithe ar thuilleamh nó ranníocaíochtaí neamhleora ÁSPC le héilimh a rinneadh roimh an 31 Lúnasa 1992.

Ní féidir iarratas a dhéanamh a thuilleadh ar Shochar Banchéile Thréigthe nó ar Liúntas Banchéile Thréigthe - dúnadh na híocaíochtaí seo d’iarratasóirí nua ó Eanáir 1997 ar aghaidh.

Má tá Sochar Banchéile Thréigthe á fháil agat, b’fhéidir go mbeidh tú i dteideal sochair bhreise a fháil ón Roinn Coimirce Sóisialaí, Liúntas do Mhaireachtáil Aonair agus an Pacáiste Sochair Teaghlaigh san áireamh nuair a bhaineann tú 66 bliain d’aois amach.

Le haghaidh tuilleadh faisnéise faoi Liúntas Banchéile Thréigthe déan teagmháil le: