Rialachán Bhaile Átha Cliath III

Is dlí de chuid an AE é Rialachán Bhaile Átha Cliath an AE ar na rialacha faoinar cheart d’iarratas ar chosaint idirnáisiúnta a mheasúnú. Baineann sé le tíortha Bhaile Átha Cliath, lena n-áirítear na tíortha ar fad san AE, chomh maith leis an Íoslainn, an Eilvéis, an Iorua agus Lichtinstéin.

Tugtar Baile Átha Cliath III ar Rialachán Bhaile Átha Cliath freisin toisc gurbh é an tríú leagan de chomhaontú a síníodh ar dtús i 1990 é.

Nuair a dhéanann tú iarratas ar chosaint idirnáisiúnta, cuirtear ceist ort faoi do stair mar chuid de d’iarratas. Má tá iarratas déanta agat ar chosaint idirnáisiúnta i tír Bhaile Átha Cliath, nó má chinneann an Oifig um Chosaint Idirnáisiúnta (IPO) gur cheart go mbeadh tír eile freagrach as d’iarratas ar chosaint idirnáisiúnta, d’fhéadfaí tú a aistriú chuig an tír sin.

Nuair a dhéanann tú iarratas ar chosaint idirnáisiúnta, tógann an Oifig um Chosaint Idirnáisiúnta (IPO) do ghrianghraf agus do mhéarloirg. Seiceálann an IPO an fhaisnéis seo i gcoinne sonraí atá i seilbh Eurodac. Is bunachar sonraí de chuid an AE é Eurodac a stórálann méarloirg iarratasóirí ar chosaint idirnáisiúnta, nó daoine a thrasnaigh teorainn go mídhleathach.

Nós imeachta Bhaile Átha Cliath

Má tá cúis ag an IPO a chreidiúint gur cheart go mbeadh tír eile freagrach as d’iarratas ar chosaint idirnáisiúnta, úsáidfidh sé nósanna imeachta Bhaile Átha Cliath chun a chinneadh cén tír atá freagrach.

Ní scrúdaíonn an IPO sonraí d’iarratais ar chosaint idirnáisiúnta go dtí go mbíonn cinneadh déanta aige i nós imeachta Bhaile Átha Cliath. Iarrfaidh sé ort an fhaisnéis a theastaíonn uaidh chun a chinneadh a dhéanamh. D’fhéadfadh go gciallódh sé seo go gcaithfidh tú freastal ar agallamh, nó d’fhéadfá an t-eolas a theastaíonn uathu a thabhairt i scríbhinn. Is féidir le d’aturnae cabhrú leat.

Cúiseanna a bhfuil tír Bhaile Átha Cliath freagrach

Is iad na cúiseanna a bhféadfadh tír eile a bheith freagrach as d’iarratas ar chosaint idirnáisiúnta ná (in ord tábhachta):

• go bhfuill cosaint idirnáisiúnta ag d’fhear céile nó bean chéile, nó ag do leanaí cleithiúnacha, nó is iarrthóirí tearmainn iad i dtír Bhaile Átha Cliath
• go bhfuill cosaint idirnáisiúnta ag d’fhear céile nó bean chéile, nó ag do leanaí cleithiúnacha, nó is iarrthóirí tearmainn iad i dtír Bhaile Átha Cliathgo bhfuil (nó go raibh) víosa nó cead cónaithe agat i dtír Bhaile Átha Cliath
• Tógadh do mhéarloirg i dtír Bhaile Átha Cliath
• Tá fianaise ann go raibh tú i dtír Bhaile Átha Cliath, fiú murar tógadh do mhéarloirg

Baill eile den teaghlach

Má tá baill teaghlaigh eile agat atá ag brath ort (nó má tá tú ag brath orthu) i dtír Bhaile Átha Cliath, d’fhéadfadh an tír sin glacadh leis an bhfreagracht as measúnú a dhéanamh ar d’iarratas ar chosaint idirnáisiúnta. Baineann sé seo le do mháthair, d’athair, do leanbh, do dheartháir nó do dheirfiúr. Ní mór do bhaill do theaghlaigh a bheith ina gcónaí ann go dleathach, ag brath ort (nó ag brath orthu), agus tá tú féin nó iad:

• Ag iompar clainne nó go bhfuil leanbh nuabheirthe agat nó
• Go dona tinn, faoi mhíchumas nó aosta.

Seolfaidh an IPO cinneadh aistrithe chugat nuair a bheidh do chás críochnaithe aige faoi Rialacháin Bhaile Átha Cliath. Má chinneann an IPO gur cheart d’iarratas ar chosaint idirnáisiúnta a aistriú go tír Bhaile Átha Cliath:

• diúltóidh an IPO d’iarratas ar chosaint idirnáisiúnta
• Rachaidh an IPO i dteagmháil leis an tír Bhaile Átha Cliath agus iarrfaidh siad orthu dul i gceannas ar d’iarratas nó tú a thabhairt ar ais go dtí an tír sin.

Achomhairc

Féadfaidh tú achomharc a dhéanamh i gcoinne chinneadh aistrithe chuig an mBinse Achomhairc um Chosaint Idirnáisiúnta (IPAT). Ní mór d’achomharc a bheith faighte laistigh de 10 lá ón gcinneadh aistrithe.

Iarratais ar ghabháil i gceannas

Féadfaidh Éire iarraidh ar thír Bhaile Átha Cliath eile dul i gceannas ar d’iarratas ar chosaint idirnáisiúnta mura bhfuil iarratas ar chosaint idirnáisiúnta déanta agat sa tír sin. Ní mór d’Éirinn é seo a iarraidh laistigh de 3 mhí ó d’iarratas ar chosaint idirnáisiúnta in Éirinn. Mura ndéantar an t-iarratas laistigh de 3 mhí, caithfidh Éire freagracht a ghlacadh as d’iarratas.

Ní mór don tír Bhaile Átha Cliath eile glacadh leis an iarratas nó diúltú dó laistigh de 2 mhí ón iarratas. Mura bhfreagraíonn sé laistigh de 2 mhí, ansin caitear leis amhail is gur ghlac siad freagracht as d’iarratas ar chosaint idirnáisiúnta.

Iarratais ar ghlacadh ar ais

Féadfaidh Éire iarraidh ar thír Bhaile Átha Cliath eile d’iarratas a thógáil ar ais má rinne tú iarratas ar chosaint idirnáisiúnta sa tír sin. Ní mór d’Éirinn an t-iarratas seo a sheoladh laistigh de 2 mhí ó d’iarratas Éireannach. Ní mór don tír Bhaile Átha Cliath eile freagra a thabhairt laistigh de mhí amháin, nó laistigh de 2 sheachtain má bhí an t-iarratas bunaithe ar fhaisnéis ó Eurodac.

Féadfaidh Éire iarratas práinneach a dhéanamh i gcásanna áirithe. Mar shampla, má diúltaíodh cead dul isteach go hÉirinn duit nó má tá tú faoi choinneáil. Ba cheart iarratais phráinneacha a fhreagairt laistigh de mhí amháin.

Tar éis cinneadh aistrithe a dhéanamh, déanfaidh Aonad Athdhúichithe na Roinne Dlí agus Cirt teagmháil leat le sonraí faoi conas a dhéanfar d’aistriú.

Má dhéanann tú achomharc in aghaidh an chinnidh aistrithe, féadfaidh tú fanacht in Éirinn fad atá tú ag fanacht le cinneadh ar an achomharc.

Is féidir leat bileog AE a léamh:

• Ar Rialachán Bhaile Átha Cliath an AE
• Do dhaoine atá i Nós Imeachta Bhaile Átha Cliath
• Do leanaí atá ag lorg cosaint idirnáisiúnta