Aistriú chuig teach eile de chuid an údaráis áitiúil

Má tá tú i do chónaí i dteach ó údarás áitiúil agus más mian leat aistriú go teach ó údarás áitiúil eile, ba cheart duit fiafraí de d’údarás áitiúil an bhfuil sé seo indéanta.

Ligfidh formhór na n-údarás áitiúil duit aistriú go teach ó údarás áitiúil eile sa limistéar céanna má chomhlíonann tú coinníollacha áirithe. Tá seans ann go mbeidh tú in ann tithe a mhalartú le tionónta ó údarás áitiúil eile, má aontaíonn an t-údarás áitiúil leis.

Más mian leat aistriú go teach údaráis áitiúil i limistéar údaráis áitiúil eile, beidh ort malartú a shocrú le tionónta ó údarás áitiúil eile tú féin. Ní mór duit faomhadh a fháil ón dá údarás áitiúil agus na critéir cháilitheacha a chomhlíonadh chun é seo a dhéanamh.

Má tá teach údaráis áitiúil agat, agus más mian leat aistriú go teach údaráis áitiúil eile, is féidir leat clárú ar liosta aistrithe an údaráis áitiúil.

Tá a rialacha féin ag gach údarás áitiúil maidir le haistrithe, mar sin is féidir leis na critéir cháilitheacha a bheith difriúil ag brath ar an áit ina gcónaíonn tú. Tabharfar breac-chuntas ar na rialacha sonracha do do limistéar i scéim leithdháilte tithíochta d’údarás áitiúil ar a shuíomh Gréasáin.

Go ginearálta, chun cáiliú le haghaidh aistrithe sa limistéar údaráis áitiúil céanna, beidh ort:

● Fáth bailí a bheith agat cén fáth ar mhaith leat bogadh

● Na critéir atá leagtha síos ag d’údarás áitiúil a chomhlíonadh

Mar shampla, ní fhéadfaidh d’údarás áitiúil glacadh le d’iarratas ar aistriú ach amháin más mian leat aistriú mar:

● Tá do theach plódaithe

● Ba mhaith leat teach níos lú

● Ní mór duit aistriú ar chúiseanna leighis nó atruacha

● Is íospartach d'iompar frithshóisialta thú

● Tá cúinsí eisceachtúla eile ann

D’fhéadfadh go mbeadh ort coinníollacha eile a chomhlíonadh maidir le do thionóntacht reatha. Mar shampla, b’fhéidir go mbeadh ort:

● A bheith i do chónaí i do theach ó údarás áitiúil ar feadh 2 bhliain ar a laghad

● A bheith gan riaráistí cíosa

● Stair gan iompar frithshóisialta a bheith agat

● Do theach a choinneáil i riocht maith

Conas a dhéanaim iarratas ar aistriú agus cad a tharlóidh ina dhiaidh sin?

Má chomhlíonann tú critéir uile d’údaráis áitiúla, déanann tú iarratas leo aistriú go teach ó údarás áitiúil eile.

Chun iarratas a dhéanamh comhlánaigh agus cuir isteach d’fhoirm iarratais chuig an údarás áitiúil. Bíonn foirmeacha iarratais ar fáil de ghnáth ar shuíomh Gréasáin d’údaráis áitiúil.

Déanfaidh d’údarás áitiúil d’iarratas a athbhreithniú agus cuirfidh sé in iúl duit má cháilíonn tú d’aistriú. Má cháilíonn tú, cuirfear le liosta aistrithe thú.

Ansin nuair a bheidh tú an chéad duine eile ar an liosta aistrithe agus nuair a bheidh cóiríocht oiriúnach ar fáil, rachaidh an t-údarás áitiúil i dteagmháil leat chun an teach a thairiscint duit.

B’fhéidir go mbeifeá in ann aistriú príobháideach a shocrú trí duine a aimsiú atá ag iarraidh a dteach ó údaráis áitiúil a mhalartú le do theach féin. Caithfidh an dá theaghlach critéir áirithe a chomhlíonadh sa chás seo. Mar shampla, níor cheart go gciallódh an malartú go mbeidh róphlódú ann i gceachtar den dá theach agus caithfidh an t-údarás áitiúil aontú leis an malartú.

Is féidir leat aistriú príobháideach a shocrú freisin le duine éigin ó údarás áitiúil eile, a luaithe a bheidh an chóiríocht oiriúnach don dá theaghlach agus go n-aontaíonn an 2 údarás áitiúil leis an malartú.

Chun iarratas a dhéanamh, ní mór duit foirm iarratais a chomhlánú agus í a chur isteach chuig d’údarás áitiúil. Is gnách go bhfaighidh tú an fhoirm seo ar shuíomh Gréasáin d’údarás áitiúil.

Más mian leat tithe a mhalartú, b’fhéidir go mbeidh tú in ann sonraí a fháil faoi dhaoine eile atá ag iarraidh malartú in oifig d’údarás áitiúil, i nuachtáin áitiúla nó ar líne.

Déan teagmháil le le Roinn Tithíochta d'údaráis áitiúil le haghaidh tuilleadh faisnéise