Deontais do Ghrianphainéil

Soláthraíonn an Scéim PV Gréine deontas aon uaire chun painéil ghréine fótavoltach (PV) a cheannach agus/nó córas stórála fuinnimh chadhnra a shuiteáil i dtithe. Tá an Scéim PV Gréine á riar ag Údarás Fuinnimh Inmharthana na hÉireann (SEAI). Ní mór duit iarratas a dhéanamh ar Scéim PV Gréine agus tairiscint deontais faighte a fháil ón SEAI sula dtosaíonn tú ar aon oibreacha.

Deontais phainéil gréine do ghnólachtaí

Is féidir leat freisin deontais le haghaidh suiteáil gréine FV a fháil ón SEAI do do ghnó nó d’fhoirgneamh nach bhfuil bainteach leis an mbaile. Áirítear leis seo foirgnimh phoiblí, clubanna spóirt agus eagraíochtaí pobail.

Le haghaidh tuilleadh eolais ar na deontais seo, féach ‘Tacaíochtaí do ghnólachtaí ag dul glas’ nó tabhair cuairt ar SEAI.ie.

Is éard atá i gcóras PV gréine ná painéil ghréine atá suite ar dhíon do thí (nó sa ghairdín) agus a ghineann leictreachas chun cumhacht a sholáthar do ghléasanna leictreacha i do theach. Úsáidtear an téarma grianphainéal ’go minic chun cur síos a dhéanamh ar na painéil a ghineann leictreachas agus orthu siúd a ghineann uisce te.

• Tugtar modúil fótavoltacha ghréine (PV) ar phainéil ghréine a ghineann leictreachas. Gintear leictreachas leis na painéil seo nuair a nochtar iad do sholas. Is é PV gréine na painéil ghréine a fheictear ar thithe agus ar ghnólachtaí.
• Tugtar tiomsaitheoirí teirmeacha grianteasa nó tiomsaitheoirí grianteasa um uisce te gréine ar phainéil ghréine a tháirgeann uisce te.

Tá an deontas leictreachais Gréine seo dírithe ar PV, nuair a ghabhann painéil leictreacha gréine solas na gréine agus nuair a athraítear go leictreachas é le húsáid i do theach chun do theilifís, do chiteal, do thóstaer, do luchtaire teileafóin, do raidió, d’oigheann, agus mar sin de a chumhachtú.

Tá córas suas le 2kWp (thart ar 6 go 8 bpainéal gréine) oiriúnach don chuid is mó de thithe. Tá sé tábhachtach go mbeidh méid an chórais oiriúnach d’fhéinídiú an fuinnimh sa bhaile de réir an Chóid Chleachtais (pdf).

Chun cáiliú do dheontas, nI mór duit:

• A bheith i d’úinéir ar theach a tógadh agus a áitíodh roimh 2021
• Ábhair agus táirgí nua nach raibh clúdaithe cheana féin faoi scéim deontais eile a úsáid
• Cuideachta cláraithe ó liosta cláraithe cuideachtaí an SEAI a úsáid
• Leictreoir de chuid Safe Electric Ireland a úsáid chun na hoibreacha leictreacha a dhéanamh
• Iarratas a cur isteach chun a bheith ceangailte leis an gcóras dáilte leictreachais trí fhoirm ESB Networks NC6 (pdf) a úsáid
• Dearbhú Oibreacha a sholáthar agus é sínithe ag suiteálaí cláraithe ar liosta Suiteálaí PV Gréine faofa SEAI
• Rátáil Fuinnimh Foirgnimh (BER) a bheith déanta tar éis an obair a chríochnú
• Na ceanglais sa Chód Cleachtais PV Gréine a chomhlíonadh

Tá roinnt rudaí le breithniú roimh iarratas a dhéanamh ar an deontas, mar shampla an bhfuil cead pleanála ag teastáil uait agus ar cheart duit do theach a insliú ar dtús.

Insliú do theach sula bhfaigheann tú painéil ghréineMolann an SEAI go ndéanann tú do theach a insliú sula ndéanann tú machnamh ar chóras PV gréine, mar gheall gurb é insliú an bealach is fusa chun do chostais fuinnimh a laghdú. Tá roinnt deontas ar fáil chun cabhrú le do theach a insliú,

• Scéim um Thithe Fuinnimh Níos Fearr
• An Scéim 'Fuinneamh Níos Fearr Tithe, Níos Teo'
• Scéim Náisiúnta um Fhuinneamh Baile a Uasghrádú

Áiríonn cuid de na scéimeanna seo an Deontas Leictreachais Gréine mar cheann dá mbearta éifeachtúlachta fuinnimh. Mar sin féin, b’fhéidir go mbeidh ort iarratas a dhéanamh air leat féin.

An dteastaíonn cead pleanála uaim?

Ní theastóidh cead pleanála uait chun grianphainéil a shuiteáil ag do bhaile a fhad agus a chomhlíonann tú roinnt coinníollacha. Mar sin féin, iarr treoir ar d'údarás áitiúil maidir le cead pleanála:

• Más struchtúr faoi chosaint atá i do bhaile
• Má tá do theach lonnaithe i limistéar faoi chosaint, mar shampla, limistéar caomhantais ailtireachta

Riachtanais chórais gréine PV

Ba chóir fuinneamh a ghintear ó do chóras PV a úsáid i do theach, agus ba chóir go mbeadh an córas ar mhéid oiriúnach le haghaidh seo. Féach an Treoir um Iarratais ar Dheontais PV Gréine (pdf) chun tuilleadh sonraíochtaí teicniúla, chomh maith le faisnéis faoi árachas, conarthaí, iniúchtaí, teorainneacha deontais a léamh agus conas iarratas a dhéanamh.

Ní mór do gach córas atá suiteáilte cloí leis na riachtanais atá leagtha amach sa Chód Cleachtais do Shuiteálaithe (pdf). Ní mór suiteálaí cláraithe PV Dearbhú na Na nOibreacha a chomhlánú agus a shíniú. Tá suiteálaithe cláraithe PV liostaithe ar seai.ie.

Conraitheoir a roghnú

Sula roghnaíonn tú cuideachta ón liosta cláraithe, molann an SEAI go bhfaighidh tú roinnt meastachán agus go ndéanann tú comparáid idir na tairiscintí, agus go lorgóidh tú theistiméireachtaí na cuideachta agus go ndéanfaidh tú iad a fhíorú.

Ní mór duit conradh a bheith i bhfeidhm leis an gconraitheoir chun a chinntiú go bhfuil leibhéal oiriúnach cosanta tomhaltóra agat. Tá conradh samplach (pdf) ag an SEAI ar a láithreán gréasáin a chabhróidh leat.

Braitheann an deontas a gheobhaidh tú ar bhuaic-aschur do ghrianchórais. Déantar buaic-aschur a thomhas i kWp. Faigheann tú:

• €900 ar 1kWp
• €1,800 ar 2kWp
• €2,100 ar 2kWp
• €2,400 ar 4kWp

Clúdaíonn an deontas ábhair agus saothar, murach gur conraitheoir thú a bhfuil an obair á déanamh agat i do theach féin. Sa chás seo, ní chumhdaítear ach costas na n-ábhar.

Má tá costas na gcóras agus na hoibre (CBL san áireamh) níos lú ná méid uasta an deontais, gheobhaidh tú deontas don chostas iarbhír.

Nóta: Níl tú incháilithe don deontas ach uair amháin.

Is féidir leat iarratas a dhéanamh ar an Scéim PV Gréine ar líne nó tríd an bpost. Má dhéanann tú iarratas tríd an bpost, ba chóir duit dul i dteagmháil leis an SEAI chun foirm iarratais a fháil agus í a sheoladh ar ais chucu - féach ‘Cá háit a ndéanfaidh mé iarratas’ thíos.

Nuair a dhéanann tú iarratas ar an deontas agat beidh ort sonraí a sholáthar faoin tsuiteáil, lena n-áirítear méid an chórais atá le suiteáil. Beidh ort freisin do sheoladh agus d'uimhir MPRN ó do bhille leictreachais, an bhliain ar tógadh do theach agus ainm na cuideachta cláraithe a bhfuil sé i gceist agat a úsáid a thabhairt.

Ní mór duit iarratas a dhéanamh ar an deontas agus é a fháil sula dtosaíonn tú aon obair. Nuair a fhaigheann tú ceadú, tá 8 mí agat chun na hoibreacha a chríochnú.

Caithfidh an obair a bheith críochnaithe sula bhféadfá d'íocaíocht deontais a fháil agus ní mór duit do chonraitheoir a bheith íoctha nó plean íocaíochta a bheith aontaithe.

Nuair a bhíonn an obair críochnaithe

Tabharfaidh do shuiteálaí an cháipéisíocht duit a theastaíonn uait chun an deontas a éileamh, an fhoirm Dearbhú na nOibreacha agus í sínithe ina measc. Ba cheart duit na cáipéisí seo a choimeád dod’ thaifid. Déanfaidh do shuiteálaí roinnt cáipéisí faoin obair a chomhlánú agus a uaslódáil chomh maith ar láithreán gréasáin SEAI. Tá seicliosta críochnaithe PV gréine (pdf) ag an SEAI ina bhfuil na cáipéisí a theastaíonn liostáilte.

Seiceálfaidh SEAI ansin an gcomhlíonann do shuiteáil riachtanais na scéime. Nuair a chomhlíonfar na coinníollacha go léir, próiseálfaidh an SEAI d'íocaíocht agus íocfar tú trí ríomhaistriú airgid (EFT) i do chuntas bainc.

Taifid úinéara tí

Le linn na n-oibreacha uasghrádaithe d’fhéadfá doiciméid éagsúla a fháil ón gcuideachta atá ag déanamh na hoibre. Tá sé an-tábhachtach go gcoinníonn tú na doiciméid seo in áit shábháilte agus go bhfuil siad ar fáil do do mheasúnóir BER nó do chigire SEAI. Molann an SEAI an t-eolas seo go léir a choinneáil le chéile in áit shábháilte chun go mbeidh tú in ann tagairt a dhéanamh dóibh amach anseo. D'fhéadfadh sé a bheith úsáideach freisin más mian leat do theach a dhíol nó má bhíonn fadhb agat le haon ghné den obair.