Láithreáin fholmha

Faoin Acht um Athghiniúint Uirbeach agus Tithíocht, 2015, tá ar údaráis áitiúla clár láithreán folamh a sholáthar ón 1 Eanáir 2017 ar aghaidh. Clár tailte é seo i limistéar an údaráis áitiúil atá oiriúnach do thithíocht ach nár cuireadh ar aghaidh chun forbartha iad.

Bíonn na láithreáin a chuimsítear ar an gclár faoi réir an tobhaigh láithreán folamh. Tá an tobhach in ainm is forbairt láithreán folamh a spreagadh agus chun cnuasach talún a laghdú. Tá treoir ar fáil ó Chiorclán PL 06/2018 (pdf) na Roinne Tithíochta, Pleanála agus Rialtais Áitiúil.

Is féidir leat teacht ar fhaisnéis, chomh maith, ar láithreáin thréigthe.

Is é an sainmhíniú a thugtar san Acht um Athghiniúint Uirbeach agus Tithíocht ar láithreán folamh:

• Talamh chónaithe atá sa láithreán (breis agus 0.05 heicteár), tá gá ann le tithíocht sa cheantar, tá an láithreán oiriúnach do thithíocht agus níor baineadh úsáid as formhór an láithreáin ar feadh tréimhse fhada ama.

• Talamh athghiniúna atá sa láithreán (seachas talamh chónaithe), níor baineadh úsáid as formhór an láithreáin ar feadh fhada ama, nó tá tionchar diúltach á imirt ag an láithreán ar chonláistí reatha ná ar shaintréithe an cheantair.

Clár na Láithreán Folamh

Is féidir láithreán a chur le clár na láithreán folamh nuair a dhéanann an t-údarás áitiúil an cinneadh go raibh an mhaoin folamh ar feadh 12 mhí nó níos faide. Caithfidh an t-údarás áitiúil fógra scríofa a thabhairt don úinéir, go bhfuil sé ar intinn acu láithreán a chur san áireamh ar an gclár.

Caithfear an méid seo a leanas a chuimsiú sa chlár:

• Láthair gach láithreáin, léarscáil ina measc
• Ainm agus seoladh an úinéara
• Luach margaidh reatha

Tá an clár ar fáil ag oifigí an údaráis áitiúil agus ar a misean láithreán gréasáin agus is féidir leis an bpobal féachaint air.

Achomhairc

Má fhaigheann tú fógra ó údarás áitiúil go bhfuil ar intinn acu láithreán a chur san áireamh ar Chlár na Láithreán Folamh, is féidir leat an cinneadh a achomharc laistigh de 28 lá. Mura n-éiríonn leis an achomharc seo, féadfaidh tú cuairt achomharc breise a chur faoi bhráid an Bhoird Phleanála.

Tá tobhach na láithreán folamh iníoctha gach bliain leis an údarás áitiúil go dtí go mbaintear an láithreán den chlár. Íoctar an tobhach i riaráistí gach bliain, ciallaíonn seo go ngearrfar an tobhach maidir le bliain 2018 in Eanáir 2019. Ríomhtar an tobhach mar seo a leanas:

• 3% de luach na talún don bhliain 2018
• 7% de luach na talún don bhliain 2019 ar aghaidh

Má bhíonn aon cheisteanna agat nó gearáin agat maidir le láithreáin fholmha, déan teagmháil le d’údarás áitiúil.