Scéimeanna fostaíochta don Aos Óg
Réamhrá
In 2013, ghlac an tAontas Eorpach le moladh ón gComhairle do na ballstáit maidir le Ráthaíocht don Aos Óg. Is é is aidhm leis an Ráthaíocht don Aos Óg, a bhaineann le tíortha an AE go léir, ná tairiscint fostaíochta, oideachais leantaigh nó printíseachta d’ardchaighdeáin a chur ar fáil do dhaoine óga faoi 25 laistigh de thréimhse ghairid i ndiaidh dóibh bheith dífhostaithe.
Déanann an Roinn Coimirce Sóisialaí forfheidhmiú na Ráthaíochta don Aos Óg a chomhordú agus tionscnaimh chun dul i ngleic leis an óg-dhífhostaíocht a fhorbairt.
Na Chéad Chéimeanna
Tá an Intéirneacht um Fhorbairt an Aois Óig, Chéid Chéimeanna, dírithe ar dhaoine óga atá dífhostaithe, atá idir 18-24 bliana d’aois, agus a bhfuil leibhéil ísle oideachais acu, atá dífhostaithe go fadtréimhseach nó a bhfuil bacainní eile ina gcoinne chun fostaíocht a fháil. Níor fógraíodh na hintéirneachtaí go poiblí. Roghnaigh foireann na Roinne Gnóthaí Fostaíochta agus Coimircí Sóisialta iarrthóirí oiriúnacha agus tharchuir siad iad chun agallaimh le heagraíochtaí a chuir intéirneachtaí ar fáil. Ina dhiaidh sin, rinne na heagraíochtaí sin an t-iarrthóir gurbh fhearr leo a roghnú.
Mairfidh na hintéirneachtaí ar feadh 3 mhí (13 seachtaine) agus beidh rogha chun cur leis an tréimhse seo ionas gur tréimhse 6 mhí (26 seachtaine) nó 9 mí (39 seachtaine) a bheadh i gceist. Beidh an scéim ag cur tacaíocht fairsingíoch ar fáil lena n-áirítear cúrsa ullmhúcháin i gcomhair oibre agus intéirneacht níos gairide ina mbeadh 4 lá sa tseachtain i gceist seachas 5.
Tá cosúlacht idir Céad Chéimeanna agus JobBridge ar dhúnadh é d'iarratais nua ar an 21 Deireadh Fómhair 2016. Rinneadh moladh in athbhreithniú ar JobBridge gur cheart clár taithí oibre a thabhairt isteach ina ionad.
Ón 1 Nollaig 2017, Tá Céad Chéimeanna dúnta roimh iarratais nua. Críochnóidh na socrúcháin go léir faoi Chéad Chéimeanna faoin 30 Márta 2018. Táthar ag súil le go gcuirfear tús le Scéim Tacaíochta um Ógfhostaíocht in 2018.
Rátaí
Íoctar liúntas d’Intéirnigh atá coibhéiseach leis an íocaíocht leas sóisialaigh atá ar fáil acu ag an am in éineacht le liúntas Intéirneachta de €52.50 sa tseachtain. Chomh maith leis sin beidh ort aon sochair thánaisteacha atá ar fáil agat nuair a théann tú isteach ar intéirneacht. Más rud é go bhfuil tú ag síniú le haghaidh creidiúnaithe, gheobhaidh tú €52.50 sa tseachtain. Ní cheadaítear aon íocaíochtaí breise ón ósteagraíocht ach ceadaítear d’intéirnigh aisíoc a fháil chun speansais a thabhaítear le linn na hintéirneachta a chlúdach.
Más rud é go bhfuil leanaí cleithiúnacha agat íocfar iomlán an Mhéadaithe i leith Linbh Cháilithe nó Leanaí Cáilithe (MLC) duit má tá tú cáilithe chun Méadaithe i leith Aosaigh Cháilithe (MAC) a fháil nó má tá tú ag tuistiú i d’aonar. Más rud é nach bhfuil tú cáilithe MAC, féadfar go mbeidh tú fós cáilithe leath-ráta an MLC a fháil.
Más rud é go mbíonn athrú ar do chúinsí, ba cheart go gcuirfear an oifig leasa shóisialaigh is áitiúil duit ar an eolas maidir leis.
Íocaíocht Leasa Shóisialaigh: Nuair is intéirn tú, ní ghlactar leis an tréimhse ama lena bhfuil tú ar fáil do liúntas intéirneachta nuair a dhéantar áireamh ar cé chomh fada is a mbeidh tú i dteidlíocht d’íocaíocht cuardaitheora poist. Fágann sé sin gur féidir leat leanúint ar aghaidh le d'éileamh ar leas sóisialach ón bpointe ar a bhfág tú é. Mar shampla, más rud é go raibh tú ag fáil Sochar Cuardaitheora Poist agus go raibh 90 lá fágtha ar d’éileamh nuair a thosaigh tú san intéirneacht, beidh 90 lá teidlíochta agat fós má théann tú ar ais le d’éileamh nuair atá an intéirneacht críochnaithe agat.
Conas iarratas a dhéanamh
Ón 1 Nollaig 2017, tá Céad Chéimeanna dúnta roimh iarrthóirí nua.
Tá scéimeanna tacaíochta fostaíochta eile ar fáil dála Fostaíochta Pobail, Tús agus Gateway a bhféadfar go mbeidh tú i dteideal iarratas a dhéanamh orthu.