Cúnamh airgeadais tar éis báis
Faisnéis
Má bhí tú ag brath ar dhuine agus má fhaigheann siad bás, b’fhéidir go mbeidh tacaíocht airgeadais ag teastáil uait.
Cén saghsanna tacaíocht airgeadais is féidir liom a éileamh?
- B’fhéidir go mbeidh an Roinn Coimirce Sóisialaí in ann íocaíocht aonuaire a thairiscint duit chun cabhrú leat glacadh leis sa ghearrthéarma.
- Má bhíonn riachtanais fhadtéarmacha agat, b’fhéidir go gcáileoidh tú d’íocaíochtaí leasa shóisialaigh gearrthéarmacha nó fadtéarmacha. B’fhéidir go gciallaíonn seo go leanann tú leis an íocaíocht leasa shóisialaigh a fháil a d’íoctaí leis an duine a fuair bás, ar feadh 6 seachtaine i ndiaidh a mbáis. Nó b’fhéidir go gciallaíonn sé go n-íocfar pinsean, liúntas nó íocaíocht leasa shóisialaigh leat i do cheart féin.
- Má tá deacrachtaí agat do chíos a íoc, d'fhéadfá a bheith i dteideal Forlíonadh Cíosa. Má bhíonn fadhbanna agat le d’íocaíochtaí morgáiste, féach ár gcáipéis ar Chosaint Morgáiste chun teacht ar fhaisnéis ar árachas a d’fhéadfadh morgáiste a íoc ina iomláine i gcás bás duine.
An bhfuil mé incháilithe?
Tá riachtanais éagsúla ag gach foirm thacaíochta. B’fhéidir go mbeidh ort riachtanais áirithe ÁSPC a shásamh nó pas a fháil i dtástáil mhaoine.
Chun teacht ar fhaisnéis ar riachtanais ar leith, déan teagmháil le d’Oifig Leasa Shóisialaigh áitiúil.
Cá ndéanfaidh mé iarratas?
Déan teagmháil le d’Oifig Leasa Shóisialaigh áitiúil chun teacht ar chúnamh agus comhairle.
Breis faisnéise
Tá faisnéis bhreise ar fáil inár gcáipéis ar shochair agus teidlíochtaí i ndiaidh báis.
Leabhrán atá in Faisnéis dóibh siúd a ngoilleann méala orthu a chuir an Bord um Fhaisnéis do Shaoránaigh le chéile. Scríobhadh an leabhrán go sonrach chun cabhrú leo siúd i ndiaidh méala. Áirítear leis faisnéis ar d’airgead a bhainistiú agus déileáil le deacrachtaí airgeadais, déileáil le fiachas an mhairbh, cuntais bhainc dhíomhaoine, ceisteanna dlí, oidhreacht, uachtanna, etc. Tá an leabhrán seo ar fáil ón Ionad um Fhaisnéis do Shaoránaigh is gaire duit.
Cuimsítear inár gcáipéis Cosaint Árachais ar Mhorgáistí sonraí faoi bheartais árachais atá in ainm is do mhorgáiste a íoc ina iomláine faoi chúinsí áirithe.